Sæmundargötu 1, 550 Sauðárkróki

Fundargerðir

Miðvikudagur, 20 febrúar 2013 22:01

Hugað að lausnum í fráveitumálum 

 

Heilbrigðisfulltrúi fór þann 18.2. 2013, ásamt tæknimönnum úr sveitarfélögunum Fjallabyggð og Skagafirði, austur til Egilsstaða í kynnisferð, þar sem farið var yfir  lausnir Fljótsdalshéraðs í Fráveitumálum.  Óskar Vignir Bjarnason í Bólholti, kynnti fráveitumannvirki sem hann setti upp og rekur fyrir sveitarfélagið og Helga Hreinsdóttir, heilbrigðisfulltrúi kynnti niðurstöður athugana Heilbrigðiseftirlits Austurlands á fráveituvatni sem kemur frá hreinsivirkjunum.    

Þriðjudagur, 12 febrúar 2013 22:01

Matvælaráðstefna í Björgvin

Sigurjón Þórðarson heilbrigðisfulltrúi sótti Norræna matvælaeftirlitsráðstefnu í Björgvin í Noregi sem fram fór 7. - 8. febrúar sl. á ráðstefnunni var fjallað meðal annars um samræmingu matvælaeftirlits á milli Norðurlandanna og síðan innan hvers lands fyrir sig. Umræður báru með sér að verkefnið að koma á samræmdum vinnubrögðum í matvælaeftirliti, væri óháð því hvort að starfsmenn starfi innan einnar og sömu ríkisstofnunarinnar líkt og í Noregi eða þá nokkurra sjálfstæðara stofnanna sem rekin eru af sveitarfélögum líkt og gert er hér á landi og í Svíþjóð, enda verður það aldrei einn og sami heilbrigðisfulltrúinn sem skoðar öll fyrirtækin.  Verkfærin við samræmingu eru þau sömu burt sé frá skipuriti stofnanna - ákveðin forskrift á vinnubrögðum, þjálfun og fræðsla. 

Þriðjudagur, 29 janúar 2013 22:03

 

Sýnataka í sjó á Sauðárkróki þann 8.1.2013

 

Í janúar 2013 voru gerðar athuganir á magni gerla og lífræns efnis sjávar, á nokkrum stöðum við Sauðárkrók.  Sýnatökustaðir voru annars vegar inn í höfninni og hins vegar í nágrenni við helstu skolpútrás bæjarins, auk þess sem eitt sýni var tekið liðlega 1 km frá landi þar sem áhrif skolpmengunar eru hverfandi.   Sýni voru tekin í yfirborði sjávar með því að dýfa niður í sjó, dauðhreinsuðum plastflöskum og var þeim haldið í kafi, þar til þær voru orðnar stútfullar.

Þriðjudagur, 29 janúar 2013 22:02

 Fráveita Fjallabyggð

sýnataka við fráveitur og baðstaði 2012

 

 

 

Samantekt á niðurstöðum sýna við fráveitur og baðstaði í Fjallabyggð.

Föstudagur, 04 janúar 2013 22:04

Starfsskýrsla Heilbrigðiseftirlits Norðurlands vestra er komin á netið sjá hér.

Úr Starfsskýrslunni: Heilbrigðiseftirlitið veitir mengandi atvinnustarfsemi leyfi og setur fyrirtækjunum starfsleyfisskilyrði og mótar með því umgjörð um starfshætti. Í þessu ferli vegast á ýmis sjónarmið sem taka verður tillit til s.s. atvinnufrelsisákvæði annars vegar og sjónarmið umhverfisins og nágranna hins vegar. Það sem einn sér sem járnadrasl sér annar sem mikil verðmæti og sama á við nef manna að það sem einum finnst vera ýldulykt kann annar að greina sem indælan angur af skreið.

Sunnudagur, 22 maí 2011 22:03

Velkomin á heimasíðu Heilbrigðiseftirlits Norðurlands vestra.

Heilbrigðiseftirlitið er með skrifstofur að Sæmundargötu 1, efri hæð, Sauðárkróki. Þar starfa tveir heilbrigðisfulltrúar, auk þess sem einn heilbrigðisfulltrúi er í Húnaþingi Vestra með aðsetur að Sólbakka.

Eftirtaldir aðilar standa að rekstri Heilbrigðiseftirlits Norðurlands vestra:

Akrahreppur, Blönduós, Bæjarhreppur, Húnavatnshreppur, Húnaþing vestra, Höfðahreppur, Siglufjörður, Skagabyggð, og Sveitarfélagið Skagafjörður.

Heilbrigðiseftirlitið er til húsa að Sæmundargötu 1, 550 Sauðárkróki.
Sími: 4535400
Fax: 4535493

 

Sumarverkefnin

Sumrin eru annatími hjá Heilbrigðiseftirliti Norðurlands vestra. Ferðaþjónustan fer á fullan skrið en það eru fjöldi ferðaþjóna sem þurfa að fá úttekt og endurnýjun leyfa.

Í sumar mun Heilbrigðiseftirlitið fara í tvö verkefni í samvinnu við Umhverfisstofnun og Matvælastofnun. Um er að ræða annars vegar úttekt á sundlaugum á Norðurlandi vestra en þær eru fjölmargar og slagar fjöldi sundlauga á svæðinu hátt í að vera jafn fjölda sundlauga í Höfuðborginni og síðan er það hins vegar örverumælingar á ís sem seldur eru í söluturnum á svæðinu. Heilbrigðiseftirlitið á Nv kappkostar að neytendur fái gæðaís hvort sem það er í Hrúta-,Skaga- eða Siglufirði.


Jarðgerð á Króknum og Sigló
Það er ýmislegt að gerast þessa dagana á sviði umhverfismála á Norðurlandi vestra. Víða er leitað leiða til að minnka úrgang, t.d. með jarðgerð á sláturúrgangi á Sauðárkróki.
Síðasta fimmtudag skoðaði heilbrigðisnefnd Norðurlands vestra nýja moltumaskínu sem framleidd er á Vélaverkstæði SR á Siglufirði. Til stendur að sú vél muni jarðgera allan lífrænan úrgang frá íbúum Siglufjarðar, og þegar fram líða stundir og austurhlutinn verður tengdur vesturhlutanum verður úrgangi líka safnað þaðan, þá líka frá Ólafsfirðingum.

Ef þetta verkefni gengur vel í Fjallabyggð eru líkur til að hægt verði að koma tækinu í gagnið á fleiri stöðum á landinu.

Innskráning