Sæmundargötu 1, 550 Sauðárkróki

Fundargerðir

Fimmtudagur, 04 maí 2017 21:57

Fyrirspurnir vegna húsnæðis Ársala við Víðigrund á Sauðárkróki 

Heilbrigðiseftirlitinu hafa borist fyrirspurnir frá foreldrum um húsnæði yngri deildar leikskólans Ársala á Sauðárkróki við Víðigrund. Spurt hefur verið á þá leið hvort að mygla geti verið uppspretta veikinda barna og hvort til standi að loka húsnæðinu.

Heilbrigðiseftirlitið gerði athugun í apríl sl. og gáfu niðurstöður þeirrar athugana tilefni til að álykta að mygla í innilofti sé ekki vandamál í húsnæðinu, sjá  niðurstöður. Þess ber að geta að sömu aðferð var beitt til að meta ástand húsnæðis leikskólans á Hofsósi og niðurstöðurnar notaðar til þess ákveða flutning leikskólans í annað húsnæði, nú á vordögum.  Sveitarfélagið Skagafjörður hefur ekki látið staðar numið, í athugun á húsnæði Ársala við Víðigrund, við framangreinda athugun Heilbrigðiseftirlitsins. Til þess að ganga úr skugga um að húsnæðið uppfyllti ítrustu kröfur var ákveðið að óska eftir því  að verfræðistofan Efla gerði enn frekari athuganir á húsnæðinu. Þær fela m.a. í sér að bora í gegnum húsnæðið og meta ástandið út frá borkjörnum sýnanna. Heilbrigðiseftirlitinu hefur borist greinargerð sveppafræðings um skoðun á 2 borkjörnum, en út frá þeim er ekki tímabært að álykta almennt um ástand húsnæðisins og rétt að bíða eftir frekari niðurstöðum rannsókna Eflu.  

Heilbrigðiseftirlitið hefur verið í sambandi við heilbrigðisstarfsfólk á Heilbrigðisstofnun Norðurlands á Sauðárkróki og mun óska eftir samráði við það um framhald málsins.

Mikilvægt er að hafa það í huga að börn á leikskólum og dagheimilum eru tvisvar til sjö sinnum oftar veik en börn sem eru heima hjá sér.  Börn á aldrinum hálfs árs til 2. ára eru veik að meðaltali 24 daga á ári. Erlendar rannsóknir hafa gefið til kynnað að með betri handþvotti á leikskólum væri hægt að fækka sjúkdómstilfellum um 34%.   

 

 

 

 

 

 

 

Fimmtudagur, 23 febrúar 2017 15:51

Samræmd starfsleyfisskilyrði fyrir heimagistingu

 

Umhverfisstofnun og heilbrigðiseftirlitin hafa gefið út samræmd starfsleyfisskilyrði fyrir heimagistingu sjá hér.

Fimmtudagur, 23 febrúar 2017 14:39

Nýjar reglur um brauðbari í verslunum

Matvælastofnun hefur gefið út leiðbeiningar um sölu á óvörðu brauði í sjálfsafgreiðslu í verslunum. Hér er tengill á reglurnar.

 

Miðvikudagur, 08 febrúar 2017 16:02

Samráðsfundur heilbrigðisfulltrúa á Norðurlandi

 

Heilbrigðisfulltrúrar á Norðurlandi vestra og Norðurlandi eystra héldu samráðsfund á Akureyri 2. febrúar sl. Ákveðið var að fara í sameiginleg verkefni m.a. í skipaskoðanir og fylgja betur eftir verkefni um matarsóun sem eftirlitin gerðu í fyrra. Á fundinn kom starfsmaður Neytendasamtakanna,  Brynhildur Pétursdóttir en hún er í forsvari fyrir samtökin á Norðurlandi.  Það var afar upplýsandi að hlýða á sjónarmið Brynhildar og gaf umræðan von um aukna samvinnu Neytendasamtakanna og Heilbrigðiseftirlitsins.  

 

Föstudagur, 20 janúar 2017 15:44

Nýjar reglur um veitinga- og gististaði

 

Gefin hefur verið út, ný reglugerð nr. 1277/2016 um veitingastaði, gististaði og skemmtanahald á grundvelli breytinga sem gerðar voru á síðasta ári, á lögum nr. 85/2007. Væntanlega verða helstu áhrif reglugerðarinnar, annars vegar einföldun á leyfisveitingu til minnstu gististaðanna þ.e. heimagistingar og hins vegar að auka umsýslu sveitarfélaga við leyfisveitingar og minnka tekjur þeirra.

Borðeyri árið 2011

Fimmtudagur, 22 desember 2016 11:33

Gleðileg jól og farsælt komandi ár

 

 

Fimmtudagur, 22 desember 2016 11:23

Gleðileg jól og farsælt komandi ár

 

 

Mánudagur, 27 júní 2016 09:29

Drög að breyttu starfsleyfi fyrir sláturhús SAH á Blönduósi vegna starfrækslu brennsluofns

 

Drög að starfsleyfisskilyrðum fyrir sláturhús SAH á Blönduósi, eru hér til kynningar, en þær fela í sér að gert er ráð fyrir brennsluofni til að sláturhúsið geti brennt eigin úrgangi.

 

Þeir sem telja sig málið varða eru hvattir til að kynna sér starfsleyfistillögurnar og gera athugasemdir við þær ef þurfa þykir.Skriflegar athugasemdir skulu hafa borist til Heilbrigðiseftirlits Norðurlands vestra í síðasta lagi þann 20.7.2016.

Hér fyrir neðan má sjá mynd af sambærilegum brennslugámi og fyrirhugað er að koma upp við sláturhús SAH og tengla á fylgigögn.

1) Staðsetning brennsluofns.

2) Upplýsingar framleiðanda.

3) Mælingar á útblástri.

4) Ákvörðun Skipulagsstofnunar.

 

 

 

 

Fimmtudagur, 23 júní 2016 09:57

Drög að breyttu starfsleyfi fyrir sláturhús KVH á Hvammstanga vegna starfrækslu brennsluofns

 

Drög að starfsleyfisskilyrðum fyrir sláturhús KVH á Hvammstanga, eru hér til kynningar, en þær fela í sér að gert er ráð fyrir brennsluofni til að sláturhúsið geti brennt eigin úrgangi.

 

Þeir sem telja sig málið varða eru hvattir til að kynna sér starfsleyfistillögurnar og gera athugasemdir við þær ef þurfa þykir.Skriflegar athugasemdir skulu hafa borist til Heilbrigðiseftirlits Norðurlands vestra í síðasta lagi þann 20.7.2016.

Hér fyrir neðan má sjá mynd af sambærilegum brennslugámi og fyrirhugað er að koma upp við sláturhús KVH og tengla á fylgigögn.

1) Umsókn sláturhússins.

2) Upplýsingar framleiðanda.

3) Staðsetning á búnaði við sláturhúsið.

4) Mælingar á útblástri.

5) Ákvörðun Skipulagsstofnunar. 

 

Fimmtudagur, 28 apríl 2016 15:47

Starfsskýrsla Heilbrigðiseftirlits Norðurlands vestra 2015

Starfsskýrsla Heilbrigðiseftirlits Norðurlands vestra 2015 má finna hér.

Í skýrslunni er fjallað um að tímabært sé að yfirfara regluverkið, þannig að heilbrigðiseftirlit sveitarfélaganna geti gengið óhikað til atlögu við óhóflega rusla- og brotjárnsöfnun, sem augljóslega er orðin verulegt lýti á umhverfi og nágrönnum til ama. 

Miðvikudagur, 30 mars 2016 14:06

Áframhald á  eftirlitisverkefni með veitingahúsum á Norðurlandi vestra

 

Í maí verður haldið áfram með eftirlitsverkefni, sem fór fyrst af stað með fyrir tveimur árum, á veitingahúsum á Norðurlandi vestra. 

Markmið verkefnisins er að koma á móts við sjónarmið um bætta upplýsingagjöf til neytenda, með því að birta ljósmyndir úr eftirliti á veitingahúsum á heimasíðu eftirlitsins. Sömuleiðis að veita upplýsingar um afmarkaða tilgreinda þætti í rekstri veitingastaða Það eru þættir sem eiga við alla staði, hvort sem þeir eru stórir eða smáir. Afrakstur eftirlitsverkefnis síðasta árs má sjá hér ofarlega á síðunni til hægri undir,  " Veitingastaðir 2015".

Í ár verða kannaðir sömu þættir og í fyrra þ.e kannað ástand; fatnaðar starfsfólks, hitstigsskráningar, þrifaáætlunar og salerni gesta

Fimmtudagur, 17 mars 2016 14:46

Hvað verður um útrunnin matvæli?

Heilbrigðiseftirlitin á Norðurlandi ákváðu að kanna hvað yrði um matvæli sem seljast ekki í verslunum á Norðurlandi, áður en geymsluþolstími rennur út.  Til þess að fá greinagóðar upplýsingar um afdrif matvælanna voru matvöruverslanir á Akureyri, Sauðárkróki og Siglufirði heimsóttar auk þess sem rætt var við nokkra birgja verslana á svæðinu.

Niðurstöður voru að ýmiss háttur er hafður á með meðferð útrunnar vöru:

a)    Vörum er skilað til birgja og þá eru kælivörur yfirleitt settar í frysti þar til þær eru sendar til baka.

b)    Vörur sem renna út er komið í förgun af verslunum og það sem ekki selst er dregið frá reikningi.

c)    Vörur eru ekki teknar til baka, nema þá í undantekningartilfellum, t.d. ef mistök verð við merkingu matvæla eða umbúðir eru gallaðar.

Innskráning