Sæmundargötu 1, 550 Sauðárkróki

Fundargerðir

Fimmtudagur, 15 nóvember 2018 14:35

Ekki láta áramótabrennur brenna inni

 

Heilbrigðiseftirlitið hvetur þá sem hyggjast standa fyrir áramótabrennum að drífa í að sækja sem fyrst um starfsleyfi.  Samkvæmt reglugerð umhverfisráðuneytisins  um losun frá atvinnurekstri og mengunarvarnaeftirlit nr. 550/2018, þá tekur leyfisveitingin a.m.k. 5 vikur. Ástæðan er sú að það ber að auglýsa eftir athugasemdum í 4 vikur og taka síðan saman greinargerð um útgáfuferil starfsleyfisins. Starfsleyfisferlið er það sama og ef um vær að ræða olíubirgðastöð, en vonir standa til að ferlið verði að einhverju leyti einfaldað með að gera brennur skráningaskyldar hjá Umhverfisstofnun. Málsmeðferðin felur í sér að auglýsa eða upplýsa eigi almenning í 3 skrefum um fyrirhugaða starfsemi og gefa kost á athugasemdum, eins og fyrr greinir.  


Myndaniðurstaða fyrir áramótabrenna

 

 

Miðvikudagur, 07 nóvember 2018 11:54

Starfsleyfi til kynningar fyrir verkstæði Léttitæknis á Blönduósi

 
Í samræmi við reglugerð nr. 550/2018, um losun frá atvinnurekstri og mengunarvarnareftirlit, eru starfsleyfisskilyrði til kynningar hjá Heilbrigðiseftirliti Norðurlands vestra á Sauðárkróki að Sæmundargötu 1, fyrir, verkstæði Léttitæknis að  Efstubraut 2, á Blönduósi. Um er að ræða endurnýjun á starfsleyfi fyrirtækisins á Blönduósi. Fyrirhuguð starfsleyfisskilyrði fyrir starfsemina eru almenn samræmd starfsleyfisskilyrði, fyrir mengandi starfsemi. Hægt er að gera athugasemdir við starfsleyfisskilyrði fyrir verkstæðisaðstöðuna að Efstubraut 2 á Blönduósi, til 6. desember nk. Athugasemdir skal gera skriflega og senda til Heilbrigðiseftirlits Norðurlands vestra.  Hér eru samræmdu starfsleyfisskilyrðUmhverfisstofnunar uppfærð með vísan í nýjar reglugerðir. 
 
Miðvikudagur, 07 nóvember 2018 11:54

Starfsleyfi til kynningar fyrir S.G verkstæði, á Borðeyri

 
Í samræmi við reglugerð nr. 550/2018, um losun frá atvinnurekstri og mengunarvarnareftirlit, eru starfsleyfisskilyrði til kynningar hjá Heilbrigðiseftirliti Norðurlands vestra á Sauðárkróki að Sæmundargötu 1, fyrir bifreiðaferkstæði S.G. verkstæði ehf., á Borðeyri. Um er að ræða endurnýjun á leyfi til reksturs bifreiðaverkstæðis, á Borðeyri. Fyrirhuguð starfsleyfisskilyrði fyrir starfsemina eru almenn samræmd starfsleyfisskilyrði, fyrir bifreiðaverkstæði og skyldan rekstur. Hægt er að gera athugasemdir við starfsleyfisskilyrði fyrir verkstæðið á Borðeyri, til 6. desember nk. Athugasemdir skal gera skriflega og senda til Heilbrigðiseftirlits Norðurlands vestra. Hér eru samræmdu starfsleyfisskilyrðin með vísan í nýjar reglugerðir.
Mánudagur, 05 nóvember 2018 13:38

Starfsleyfi til kynningar fyrir verkstæði fyrir þungavinnuvélar, verkstæðisaðstöðu Þórðar Hansen á Sauðárkróki

 
Í samræmi við reglugerð nr. 550/2018, um losun frá atvinnurekstri og mengunarvarnareftirlit, eru starfsleyfisskilyrði til kynningar hjá Heilbrigðiseftirliti Norðurlands vestra á Sauðárkróki að Sæmundargötu 1, fyrir, verkstæði fyrir þungavinnuvélar, Þórðar Hansen ehf. Um verður að ræða  verkstæðisaðstöðu að Borgartúni 8, á Sauðárkróki. Fyrirhuguð starfsleyfisskilyrði fyrir starfsemina eru almenn samræmd starfsleyfisskilyrði, fyrir bifreiðaverkstæði og skyldan rekstur. Hægt er að gera athugasemdir við starfsleyfisskilyrði fyrir verkstæðisaðstöðuna að Borgartúni 8 á Sauðárkróki, til 3. desember nk. Athugasemdir skal gera skriflega og senda til Heilbrigðiseftirlits Norðurlands vestra. Hér eru samræmdu starfsleyfisskilyrði Umhverfisstofnunar uppfærð með vísan í nýjar reglugerðir. 
 
Mánudagur, 29 október 2018 14:53

Starfsleyfi til kynningar fyrir stóra spennistöð Landsnets á Blönduósi

 
Í samræmi við reglugerð nr. 550/2018, um losun frá atvinnurekstri og mengunarvarnareftirlit, eru starfsleyfisskilyrði til kynningar hjá Heilbrigðiseftirliti Norðurlandsvestra á Sauðárkróki að Sæmundargötu 1, fyrir, tengivirki að Hnjúkum, Blönduósi. Um verður að ræða  stóra spennistöð. Fyrirhuguð starfsleyfisskilyrði fyrir starfsemina eru almenn samræmd starfsleyfisskilyrði, fyrir stórar spennistöðvar. Hægt er að gera athugasemdir við starfsleyfisskilyrði fyrir spennistöð Landsnets á Blönduósi, til 20. nóvember nk.  Hér eru samræmdu starfsleyfisskilyrði Umhverfisstofnunar uppfærð með vísan í nýjar reglugerðir. 

 

Mánudagur, 29 október 2018 14:11

Starfsleyfi til kynningar fyrir Áka bílaþjónustu Sauðárkróki

 
Í samræmi við reglugerð nr. 550/2018, um losun frá atvinnurekstri og mengunarvarnareftirlit, eru starfsleyfisskilyrði til kynningar hjá Heilbrigðiseftirliti Norðurlandsvestra á Sauðárkróki að Sæmundargötu 1, fyrir Bifreiðaþjónustu Áka,  Borgarflöt 19 c, almennt bílaverkstæði. Fyrirhuguð starfsleyfisskilyrði fyrir starfsemina eru almenn samræmd starfsleyfisskilyrði, fyrir almenn bifreiðaverkstæði og skyldan rekstur. Hægt er að gera athugasemdir við starfsleyfisskilyrði Bifreiðaþjónustu Áka, til 20. nóvember nk. Hér eru starfsleyfisskilyrði uppfærð með vísan nýjar reglugerðir.  Niðurstaða Heilbrigðisnefndar þann 19.12. 2018 var að veita fyrirtækinu starfsleyfi til 12 ára samkvæmt auglýstum starfsleyfisskilyrðum, en gefa rekstraraðila frest til þess að uppfylla skilyrði 3.2. til 15. júní 2019. Saminn var greinargerð um starfsleyfisútgáfuna sem er að finna hér.
 
 
 
Miðvikudagur, 12 september 2018 09:32

Ari Jóhann Sigurðsson kosinn fomaður Heilbrigðisnefndar Norðurlands vestra

Ari Jóhann Sigurðsson var kosinn formaður Heilbrigðisnefndar Norðurlands vestra á fundi nefndarinnar, sem fram fór 11. september sl. Ari Jóhann er búsettur í Varmahlíð, en starfar sem forstöðumaður á Blönduósi. Auk Ara Jóhanns sitja í nefndinni Ína Ársælsdóttir varaformaður, Lee Ann Maginnis Blönduósi, Margrét Eva Ásgeirsdóttir Skagafirði, Konráð Karl Baldvinsson Fjallabyggð, og Guðný Kristjánsdóttir, fulltrúi SA.   Starfssvæði nefndarinnar er víðfemt, en það nær frá og með Fjallabyggð í austri og vestur til Borðeyrar og síðan alla leið suður á Hveravelli

 

 

Föstudagur, 03 ágúst 2018 09:26

Neysluvatnið á Borðeyri stenst gæðakröfur

 

Staðfest hefur verið að sýni sem Heilbrigðiseftirlitið tók í dreifikerfi vatnsveitunnar á Borðeyri, þann 31. júlí, stenst gæðakröfur reglugerðar 536/2001 um neysluvatn. Það er þvi staðfest að úrbætur Húnaþings vestra sem ráðist var í júlí, hafa skilað tilætluðum árangri. Aðgerðirnar fólu í sér  m.a.  að koma fyrir geislatæki sem sótthreinsar vatnið. Það er því ekki lengur þörf á því að sjóða vatnið á Borðeyri fyrir neyslu.

Mánudagur, 11 júní 2018 09:35

Starfsskýrsla Heilbrigðiseftirlits Norðurlands vestra 2017

Starfsskýrsla Heilbrigðiseftirlits Norðurlands vestra fyrir árið 2017 má finna hér.

Í skýrslunni er m.a. fjallað um ýmsar breytingar á reglugerðum sem snúa að skráningaskyldu og aðgangi gæludýra að veitingastöðum en lítill áhugi virðist vera hingað til að fá  hunda inn á veitingahús á eftirlitssvæðinu. 

 

Fimmtudagur, 07 júní 2018 15:18

 

Sjóða ber neysluvatnið á Borðeyri

 

Staðfest hefur verið að sýni sem Heilbrigðiseftirlitið tók þann 5. júní sl. á Borðeyri, innihéldu Escherichia coli (E. coli) gerla. Sýnin á neysluvatninu voru annars vegar tekin úr vatnsbóli og hins vegar í dreifikerfi þ.e. úr krana í húsi eyrinni. Í samræmi við 14. gr. reglugerðar um neysluvatn nr. 536/2001, er ráðlagt að sjóða neysluvatnið á Borðeyri. 

Flestar E. coli bakteríur eru skaðlitlar, en ef E. coli finnst í neysluvatni, þá bendir það til þess að hættulegar bakteríur geti leynst í vatninu. Íbúum er því ráðlagt sem varúðarráðstöfun að sjóða vatnið.  

Miðvikudagur, 04 apríl 2018 10:59

Sýni úr umhverfinu á Sauðárkróki

Heilbrigðiseftirlitið hefur fengið  fyrirspurnir frá íbúum um skolpmengun, annars vegar í  smábátahöfninni á Sauðárkróki og hins vegar í tjörn við hesthúsahverfið á staðnum. Niðurstöður gefa skýrt til kynna að engin skolpmengun sé í smábátahöfninni. 

 

 

 

Fram hafa komið áhyggjur hjá hestamönnum af skolpmengun á frárennsli frá rotþró í hesthúsahverfinu.  Réttilega hefur verið bent á að frágangur á frárennslinu ætti að vera betri þ.e. að það færi í siturbeð áður en það færi út í grunnvatn. Niðurstöður athuganna sem gerðar voru þann 26. mars sl. benda til þess saurkólímengun berist mjög litlum mæli frá umræddri rotþró og út í tjörnina.

 

Þriðjudagur, 13 febrúar 2018 13:43

Umsögn um frumvarp til laga um breytingar á lögum sem tengjast fiskeldi  

Hér má að neðan má lesa umsögn um fyrirhugaðar breytingar á á lögum sem tengjast fiskeldi, en umsögnin var samin með nokkrum hraði, þar sem tímaramminn var knappur. Það er mikilvægt að lagabreytingarnar fái vandaða umfjöllun en um er að ræða vaxandi atvinnugrein, sem gæti haft víðtæk áhrif vítt og breitt um landið.

  

Innskráning