Tilmæli til sveitarfélaga á Norðurlandi vestra og Fjallabyggðar

Heilbrigðisnefnd óskar eftir því að sveitarfélög á starfssvæðinu skilyrði ráðningu verktaka, í hin ýmsu verk á vegum sveitarfélaganna, að þeir hafi  gilt starfsleyfi frá Heilbrigðiseftirlitinu.  Þetta á m.a. við um þá aðila sem taka að sér veitingasölu, bifreiðaviðgerðir, byggingaframkvæmdir, vegagerð, sorphirðu,  bíla og bónþvottastöðvar, útleigu bíla, snjómokstur og annarrar starfsemi sem krefst verkstæðisaðstöðu. Ef sveitarfélögin setja  fram umrædda  kröfu, tryggir það jafnræði fyrirtækja og ætti sömuleiðis að hafa jákvæð umhverfisleg áhrif á ásýnd lóða og umhverfismál fyrirtækja. 

Verklagsreglur um hvernig skuli staðið að því að fjarlægja númerslusar bifreiðar og lausamuni hjá HNv

Verklagsreglur Heilbrigðiseftirlits Norðurlands vestra við að fjarlægja lausamuni, númerslausar bifreiðar, bílflök og sambærilega hluti á almannafæri að undangenginni viðvörun, svo sem með álímingarmiða með aðvörunarorðum sbr. reglugerð 941/2002. Heilbrigðiseftirlitið skal vinna að verkefninu í samráði og samvinnu við sveitarfélög á starfssvæðinu.

Ársreikningar 2018 má sjá hér.

Starfsleyfi til kynningar fyrir Mjólkursamsöluna ehf. 

vegna viðgerðar- þvotta- og geymsluaðstöðu á Blönduósi

Í samræmi við reglugerð nr. 550/2018, um losun frá atvinnurekstri og mengunarvarnareftirlit, eru starfsleyfisskilyrði til kynningar hjá Heilbrigðiseftirliti Norðurlands vestra á Sauðárkróki að Sæmundargötu 1, fyrir Mjólkursamsöluna ehf, vegna viðgerðar-, þvotta- og geymsluaðstöðu, Hnjúkabyggð, 540 Blönduósi. Um er að ræða viðgerða-, viðhalds-, þvotta- og geymsluaðstöðu fyrir Mjólkursamsöluna, mjólkurbíla hennar og annað er starfið varðar á starfsvæði Mjólkursamsölunnar á Norðurlandi vestra. Fyrirhuguð starfsleyfisskilyrði fyrir starfsemina eru  sértæk starfsleyfisskilyrði, fyrir mengandi starfsemi. Hægt er að gera athugasemdir við starfsleyfisskilyrðin til 4. apríl nk. Athugasemdir skal gera skriflega og senda til Heilbrigðiseftirlits Norðurlands vestra.